【本報訊】12歲無證童肖友懷（懷仔）上周四「自願遣返」內地，但其外婆周紹璇隨後聯絡傳媒，稱遭工聯會誤導，又哭罵協助懷仔取得行街紙的陳婉嫻（圖）「罪大惡極」。一直由工聯會黃國健代答的陳婉嫻昨親自回應，稱「冇任何動機會咁樣做法」，又一再強調處理個案的原則是在求助人士同意下才會做，「到今日如果婆婆需要搵我哋，而佢講嘅一啲實際情況係事實，我哋會喺合法、合理下盡力幫佢」。
指婆婆說實情會再幫忙
陳婉嫻昨於立法會回應記者提問，表示知記者一直找她，「我唔想講任何嘢引起婆婆誤會，但亦想講啲嘢」。被問到是否她的助理游說婆婆讓懷仔自願遣返？事件中誰在說謊？陳稱，沒有動機這樣做，在婆婆決定遣返前，工聯會已計劃為懷仔的行街紙續期及安排入學。至於婆婆稱入境處說已聯絡上懷仔父母的說法，陳說：「我點知呀，我諗真係要問番婆婆，（我哋連）佢父母地址都唔知，反而傳媒知。」
之後會如何跟進？她表示，「如果佢係要我哋幫手，而講嘅係事實，我諗我哋都會做嘅，包括內地部門都會幫佢，但重要嘅就係話佢講啲實情我哋聽」。是否暗示婆婆所說的並非事實？陳說，「我冇咁講過，我亦都希望新聞界唔好咁寫」，又稱婆婆已經很淒涼，懷仔更是最無辜，如今要過顛沛流離生活。
陳指若婆婆再求助，只要說出實情，她會在合法、合理的情況下幫忙，包括協助返港，法律顧問已準備就緒。上月21日懷仔婆孫在陳婉嫻陪同下召開記者會，披露父母均為內地人的懷仔非法居港9年，尋求工聯會協助。同日懷仔獲發行街紙，但婆婆則因涉嫌教唆他人逾期居留被捕。
■記者張婷婷