金管局總裁陳德霖Norman一直被視為下屆特首選舉黑馬，而佢從來冇就此堅決say no，唔通唔想變咗話過N屆唔選但最終又選嘅梁振英第二？
身在加拿大出席活動嘅攞命陳接受本報訪問，再次被問選唔選特首？佢一如以往話不作評論。嘩，令人有更多遐想。
有傳媒問佢若果政改唔過，內地對港嘅資本賬開放政策會唔會受影響、金融體系穩定會唔會有危機等問題，而佢嘅回應係唔評論政治議題，又幾錫身喎，但佢補充佔中期間滬港通仍然開通，「已經答咗呢個問題」。
近日金管局向銀行發通告要求演習，係上年9月佔中前同類型嘅可持續營運計劃（Business Continuity Plan，BCP），攞命陳強調BCP唔一定為佔中等社會運動而設，可以因應大型停電、災難同疫症等而搞，但冇透露演習日期。