杜琪峯執導嘅新片《三人行》，噚日喺廣州用過千萬人民幣搭嘅醫院廠景拍攝，新戲入面古仔飾演警察、趙薇演外科醫生、鍾漢良就扮悍匪，古仔話：「成齣戲喺醫院發生晒，會有一個一take過80幾人一齊拍嘅鏡頭，醫院所有器材都喺香港運嚟，又喺香港請醫生上嚟教拍。」古仔又話佢同趙薇、鍾漢良冇感情戲不突止，仲好冷血喎。
受訓半個月
扮腦科醫生嘅趙薇話：「演醫生絕對不容易，因為要施手術，之前花了半個月時間訓練。」佢仲話：「我不怕血，但是古仔在場睇拍開腦手術，已經走了。」另外，有內地觀眾入稟告佢喺內地電視劇《虎媽貓爸》中眼神凌厲，趙薇就笑言：「相信法院不會受理。」仲笑住話以後戴墨鏡演戲。
悍匪鍾漢良就成面毀容化妝，不過佢大部份時間都係瞓喺床上接受治療，所以聽落就舒服，但實質悶啲。而黃芷晴飾演嘅護士，初時埋位打針抽血都驚，最後密密練番，芷晴仲話今次爸爸媽咪都叫佢捱吓。
撰文：馮仁昭
