南韓中東呼吸綜合症（俗稱新沙士）疫情持續，食物及衞生局前日發出旅遊健康建議，但政府遭批評遲遲未發出紅色旅遊警示；終於保安局在昨午12時正式向南韓發出紅色警示。《壹錘定音》主持李慧玲直言，特區政府今次「聽教聽話」，終願發出紅色警示的決定值得肯定，不過遲了整整24小時，突顯政府高層團隊協調出現問題，更反映高永文在政府勢孤力弱：「遲到好過冇到，不過今次就畀人睇晒隻底牌！」
慧玲認為，食物及衛生局局長高永文在整件事的表現值得一讚：「雖然上街推銷政改失咗少少分，但成班主要官員入面，唯獨高永文今次最能夠做到以民為本。」她指出，南韓疫情愈來愈嚴重，而南韓政府及人民的防疫措施令人缺乏信心，「係禽流感仲日日食雞嘅陳馮富珍，先至讚得出口話對南韓防疫有信心！」她認為高永文在香港未出現確診情況下，率先提升戒備級別，還防範未然向市民發出旅遊健康建議，既專業亦符合民情。「抗疫，梗係寧願嚴格啲，否則搞出人命就太遲。」
不過她指出，今次同時突顯高永文在政府勢孤力弱。她認為即使高永文有發出旅遊警示的意願，但早前無法說服保安局，又沒有政府高層支持，所以只能在自己能力範圍中發出旅遊健康建議。她認為這突顯現屆政府兩大問題：「一方面係冇隊型、冇協調；第二就係專業意見得不到重視。依家講緊防疫抗疫，政府高層有人權威得過高永文醫生咩？」
政府前日發出旅遊健康建議時，特首梁振英剛起行到加拿大外訪，但慧玲認為如果梁振英真的關心這件事，外訪阻不了梁振英發聲。梁振英離港後，政務司司長林鄭月娥「揸莊」出任署理特首，但慧玲認為林太今次明顯慢了半拍，遲了24小時才「一錘定音」，拍板要保安局發旅遊警示，「睇嚟佢為咗政改已經筋疲力盡，冇餘力再理其他。」她指這次事件暴露了政府最高層能力上的缺點，笑言如果在內地，這些可說是國家機密。