唔少朋友話喺香港鬧市見到《龍珠》入面嘅悟空同菲利打鬥，唔通香港都收埋咗七粒龍珠？八方細問下，發現佢哋嘅決戰地點，竟然係喺人氣熱點中環碼頭，而佢哋打到落銅鑼灣時，惹嚟唔少厚多士圍觀，當然唔少得一人一機影低呢個決戰時刻。
其實除咗呢兩個日本經典動畫《龍珠》嘅1：1等身3D人偶主角之外，其他《龍珠》戰士，包括杜拉格斯、魔人布歐、笛子魔童、比達等，都會喺今個盛夏加入香港舉行嘅龍珠決戰。據知悟空同菲利今明兩日都會喺港島區中環、銅鑼灣等主要道路巡遊，14至28日嘅朝十晚十則喺銅鑼灣wtc more世貿中心地下南門入口，據知下月會落腳東港城㖭。