由同林鄭月娥同名嘅Carrie Lam上載嘅短片《2022家書》，係講「林鄭」向次子約希講述政改通過後香港點衰法，據知劇本由認識林鄭逾30年嘅老朋友親手撰寫，學足林鄭嘅用字、風格、語調，原來2015年真人版林鄭都好想知道，究竟呢位識咗佢30年嘅朋友係邊個？
人力陳偉業噚日話同林鄭、政制局局長譚志源會面時，譚志源稱一朝早已將「家書」畀林鄭睇，林鄭睇完之後話好想知道寫劇本嘅人係邊位，唔通佢都覺得似自己？連林鄭都睇片，難怪呢封「家書」已有逾萬人睇過。
自言並非編劇、但同樣識咗林鄭逾30年嘅陳偉業就話，識林鄭咁多年，佢個樣最殘係呢一次。