Morris憶述當年創報初期，有不少報攤拒賣《蘋果》，更有人蓄意破壞《蘋果日報》，話：「背後一定有一啲壓力阻止我哋賣。」提到發行問題，Morris話要多謝「德強記」：「全靠德強，蘋果先可以發到行。」
說到當日加入《蘋果》的趣事，Morris即時醒起被肥佬黎用粗口罵：「佢同我講有一個條件，就係唔可以搵《壹週刊》任何人過《蘋果》。我要搵堅哥（葉一堅）過嚟幫手做娛樂，就畀佢用一句九十九個字嘅粗口鬧。」94年聖誕節，Morris再接再勵游說肥佬黎：「嗱！你鬧埋呢次好啦，我要堅哥嚟《蘋果》幫手，呢次一句粗口都聽唔到，仲話『好呀。』」
Morris認為肥佬黎有的是「Street smart」，常常「Action before you think」，以至能瞬間作出變動，從失敗中學習，他說：「佢自己拿高衫袖同大家落去砌。」以他認為對《蘋果》最大打擊，非「陳健康事件」莫屬，Morris說：「《蘋果》都用咗個頭版嚟認錯，有錯要認，打要企定。以一間報館嚟講，做呢樣嘢係唔容易。」
Morris深信《蘋果》仍會堅守下去：「我幾肯定十年之後或者廿年之後，一份好報紙仍然有價值同空間喺度，譬如言論自由同新聞自由。要堅持下去。」
【蘋果二十年】系列：
人人問肥佬黎 爆seed同情梁振英 http://bit.ly/1dlMzVN
人人問老闆 飛仔黎變肥佬黎 http://bit.ly/1dlMzVR
下個20年 我想《蘋果》點？ http://bit.ly/1MgqFi8
風雨不改：一份《蘋果日報》的誕生 http://bit.ly/1MgqFic
