無論幾多歲嘅男人，大部份都愛吃嫩草，包括現年46歲嘅美國男星奧雲韋遜（Owen Wilson）。奧雲最近拍緊《非常索凸務2》（Zoolander2），上周末佢抽空去咗巴黎欣賞法國網球公開賽，被發現身邊出現咗個女子，兩個人好夾咁，不斷邊睇邊傾偈，傾得好開心，個女仔仲講到手舞足蹈。
有外國傳媒起個女子底，話佢係大學網球選手Wan-Yi Sweeting，現年只得21歲，足足細奧雲25年，如果佢哋真係拍拖的話，就係父女戀喇。奧雲同女星姬蒂韓遜（Kate Hudson）09年分手後，11年佢女友Jade Duell為佢誕下一名男嬰；去年初，佢另一女友健身教練Caroline Lindqvist，亦為佢誕下另一男嬰，但奧雲始終未結過婚。
撰文：李村姑