【上環】
陳奕迅（Eason）最近被老婆徐濠縈勒令要減肥及戒煙，否則不會考慮再生B，同時又爆Eason患都市病，要睇中醫、煲茶及藥材粥降血脂。前晚約8時本報發現陳氏伉儷帶着女兒康堤，跟周子駒及另一名外籍男友人，在上環必列者士街一間食多國菜的餐廳內食飯聊天，他們在席間不時以英語溝通。
一家三口互相制衡
其間Eason更越說越興奮，手舞足蹈，康堤則遞上手機讓爸爸睇照片，逗得Eason哈哈大笑。眾人在餐廳內聊天至約9時多，離開時康堤更蹺着爸爸Eason的手臂撒嬌，臨上車前Eason就作狀用肚腩頂康堤背脊，康堤就拗腰反擊，十分搞笑，之後Eason一家三口排排坐外籍友人的車離開。
另外，Eason日前接受新城電台節目訪問，提到與太太及女兒康堤相處之道，他說：「對老婆要最好㗎！我對佢哋一向都冇乜要求。我對跑步反感，但會尊重同支持，亦會陪太太跑步。」他又指，他不會強迫女兒做不願意做的事：「我覺得每個人都唔同，最重要係識尊重，我當然希望佢做我個女覺得冇壓力，以前佢問點解成日有記者影相，我都會好好同佢解釋番，同埋叫佢唔好望啲燈，驚對隻眼唔好。」
Eason又笑言，家中3人的關係是互相制衡：「個女就驚我，可能係我把聲太大，講嘢好鏗鏘，但我就驚老婆，見到佢個樣，嘩，好似有啲嘢喎，咁我就會驚，而老婆就驚個女，好搞笑！」
採訪、攝影：徐錦池、吳耀輝