百多個幼兒教育的同學中只有5位男生，作為其中之一的關文靈坦言男生當幼稚園教師，「好多人都覺得好奇怪」，但他相信凡事有熱誠就能做得到，「甚至要做得好過女仔」。
關文靈現就讀浸大持續教育學院幼兒教育學教育學士（榮譽）課程三年級，過去兩年到過不同幼稚園實習，「一早做咗心理準備小朋友會有忍唔到，瀨屎瀨尿嘅情況，但原來真係好平常，無啦啦會喺走廊見到有一篤」。除了照顧小朋友，文靈認為作為幼師，最重要的並非𠱁，而是要有愛心。
現薪酬制度不吸引
小朋友對人沒有爾虞我詐，只有最直接的相處、信任，文靈實習時遇到一個內向的小朋友，他每天都「撩佢傾偈，問吓佢今日食咗乜嘢水果」，二人的關係便慢慢建立，文靈更直言男教師其實比女教師優勝，「當小朋友信任你，他便會開始依靠你，有事都會同你講，嗰種開心，難以形容」。文靈臉上的自豪笑容充份表現出對教育事業的熱誠。
到幼稚園實習，除了要協助班主任處理班務，改功課、設計教具外，下課後還要與家長溝通，不少家長看到文靈是男教師，都顯得十分好奇，「點解你會做幼稚園老師」，是他最常聽到的問題。更有家長會因為他是男教師，不放心女兒跟他上課，「一般人有誤解好正常，但我會同佢哋多啲溝通，慢慢就會信任我」。
免費幼稚園教育委員會早前發表報告，未就幼師訂定薪級表，他認為現時的薪酬制度不能吸引年輕人入行，「政府沒有制訂薪級表，可能我做咗幾年人工都仲係不變，升職嘅機會亦都唔多，好影響我自己將來嘅計劃」，他直指沒有固定薪級表會影響幼兒教育的專業發展。
■記者趙雅婷