肖友懷自動向入境處自首，迅即遣返。傳媒守候嫻姨姨，預咗她會破口大罵記者「超越人類文明底線、毫無道德與同理心，仇共，不愛國，歧視強國未來棟樑……」下刪N字，想了解更多譴責詞，請看社區組織協會施小姐那番言論。只是，出人意表，對於是否要向肖友懷小朋友道歉，公開承認向入境處施壓的嫻姨姨脫口而出：「唔關我事！」
唔關你事？
是因為，一，你同情心太豐富，太好人，被對方一個三唔識七的阿婆跣了一鑊？抑或，二，你不是入境處長，又不是「慈母」，不能出棍，施壓有限，講完？也許，是三，工聯會有唔多揪得但打得之人密謀奪權，設局，等你N屆都冇得再選？四，建制派已經分好晒地盤，你搵婆孫過橋，反而被過橋抽板，未到2017，已經擺明是大媽天下，阿姨一定唔得？五，阿婆講到出口後悔搵你幫拖，咁唔客氣冇面畀，到底出了什麼問題？周圍外訪扮唔得閒的梁振英陰陰嘴忍唔住笑你：都係土地問題！