今日有隻叫做綠寶（6183）嘅新股開始招股，佢並唔係綠寶橙汁，呢間內地福建公司係賣菇嘅，包括杏鮑菇、蘑菇同草菇。為隆重其事，管理層特別製作一批手掌咁大嘅杏鮑菇模型。
呢隻菇嘅造型，確實可堪玩味，唔知管理層會否依樣葫蘆訂製一個特大杏鮑菇模型，等到公司掛牌當日送畀港交所（388）做紀念品呢？港交所行政總裁李小加收到嘅時候又有乜反應呢？
除咗杏鮑菇模型，呢間公司嘅公司呔亦都係以杏鮑菇做圖案，主席鄭松輝與副總裁陳偉噚日專登戴住公司呔主持記招，靚唔靚見仁見智，不過真係有公司特色囉！副總裁鄭如燕（圖右）身上似乎就冇菇狀飾物嘞。