歐陽震華（Bobby）與無綫近日續約問題未有着落，其經理人Lydia與無綫製作資源部總監樂易玲已經不停開火。她們早前就Bobby與無綫續約事宜傾洽期間發生爭拗，消息指席間有人拋下一句「有啱先搵你」，事後樂易玲否認講過這句說話，但Lydia前日卻反擊指這句話是出自樂易玲口中，令Bobby續約風波變成羅生門。
就Lydia的指控，樂易玲昨日突然在油塘接見傳媒澄清，她指去年12月開始主動跟Lydia傾Bobby續約事宜，並謂：「大家一直尋求同Bobby合作方向，以唔影響佢健康為前提，但未有結論，公司由始至終冇講過唔同Bobby合作。」對Lydia指「有啱先搵你」這句話是出自樂易玲口中，樂易玲說：「內容細節就唔方便透露，可能係講嗰個意念同接收者有出入，但我唔覺得誤解係咁大問題。」
曾勵珍幫拖講數
樂易玲又指Bobby續約事宜已交由戲劇製作總監曾勵珍親自跟Lydia斟洽，她說：「戲劇部係製作部最大用家，珍姐傾好就交由藝員部去簽約。」她又稱正盡力與胡杏兒傾續約。
記者昨致電Bobby，對於Lydia與樂易玲開火，他笑說：「我唔理啦，佢哋鍾意點就點啦，佢哋都話冇講過（有啱先搵你），睇吓信邊個囉！」問他相信誰？Bobby未正面回答，只笑着反問：「你話呢？」對於樂易玲昨日指公司原意與Lydia了解有出入，他說：「我只不過想攞番個公道，希望大家和和氣氣啦。」
此外，張惠雅（Regen）與緋聞男友張景淳昨同場出席於油塘舉行的劇集宣傳活動時表現尷尬，她承認與男方於去年聖誕拍過拖兩個月，她又再否認遭前男友Esta家暴。
採訪：魯吉