【本港炒家】
香港炒家逐漸感染內地「粗放式」的炒股作風，資深炒家張士佳接受訪問時表示，「𠵱家係癲嘅時代，不可以睇咁多嘢，否則會本末倒置！」
張士佳從前是技術分析結合基本面專家，但坦言現時已經少看企業數據，「內地基金經理睇嘢或諗嘢，香港人係估不到，一睇基本面分析實輸」，他以滬港通未開前，港人以為內地人喜愛濠賭股，結果全錯。故他認為港投資者應要留意買家及成交量，一出現「聰明錢」入市某隻股票即跟炒，這種交易是為「跟春江鴨走」，「好似之前霸王集團（1338）忽然炒起，之後先公佈係同壹傳媒（282）打官司要求賠償，其實一早已見到有內地機構參與咗」。
張士佳透過自家研究軟件發掘春江鴨股，「同一種方法，以前命中率僅得兩成，現時則高達七成至八成，當然唔中的有機會蝕三成，但一賺就1倍至2倍」。
他提到不應恐懼坐冷門貨，「內地人尋緊寶，要坐畀佢哋買」，又預測恒指今年底破33000點無懸念，惟認為目前較多私募基金入市，真正代表內地資金的「大媽」仍未到。張士佳估計六月政改若然不通過，對港股將會帶來一次影響，但相信震盪後股市仍會繼續向上。