隔牆有耳：
CY買壽司同齊昕搞好關係 - 李八方

梁振英囡囡梁齊昕喜愛夜蒲，日前喺蘭桂坊蒲通宵醉到企唔穩。可能唔想個女生活太糜爛，佢老竇梁振英噚日一早就去「細劉」劉鑾鴻打骰嘅銅鑼灣崇光百貨超市買刺身壽司，一身恤衫西褲揸住個購物籃掃貨，原來係同齊昕一朝早食日本嘢，事關齊昕喺IG形容，同爸爸食壽司係建立關係嘅時光，但冇提母親梁唐青儀。

梁振英買外賣期間比師奶郭太影到相，聽郭太講，原來有兩位保鑣睇實，唔畀任何人埋身，並透過「惡搞詞人」梁栢堅喺facebook公開。堂堂愛國更愛黨嘅梁振英食日本嘢，當然畀網民寸爆：「佢點解唔食中山嘅脆肉鯇，而要勾結外國勢力」、 「食日本嘢？崇日X，賣國賊」。