敢言報道是《蘋果日報》開報20年來的堅持。在未來20年，香港新聞業會面對許多變數，港人對《蘋果日報》有何期望？
理工大學布同學表示：「最好就梗係不偏不倚啦！」支持《蘋果日報》十多年的忠實讀者陳先生認為：「比較負面嘅新聞，用啲字眼又唔使特別太誇張。」現就讀中四的董同學就希望《蘋果日報》會報道更多其他國家的新聞。
一班讀者都認為《蘋果日報》20年後依然「健在」。大學生Victor覺得：「因為《蘋果日報》進步得好快。」顏先生更謂：「今時今日仲可以有好多敢言說話，喺其他報紙睇唔到。《蘋果》加油！」
其他港人對《蘋果日報》的期望：
李小姐：多啲關於食物嘅報道。
李小朋友：我想要卡通片。
何小姐：啲字可以大粒番啲啦，同埋再爆啲。
古小朋友：係卡通呀，漫畫呀嗰啲囉。
陳先生：多啲體育種類broadcast畀香港人。
劉同學：好多民生大小事佢都有報道，好多政治嘢都有出力報道。
陳先生：比較負面嘅新聞，用啲字眼又唔使特別太誇張。
Michelle：唔好咁多個人化嘅形容詞。
四眼男：《蘋果》繼續支持民主，撐起雨傘。