【科技籽】人肉標靶　硬食水炮連發

【科技籽：GG鬥室】
Gadget Guy出現叛軍！講好咗……係四位成員齊齊試玩新款水槍，結果得隊長肥通一個做人肉標靶，半個鐘內慘受針管、散彈同電動脈衝式水槍嘅連番射擊。最離譜嗰支竟然可以直駁洗車喉，呢支仲叫水槍？改名水炮就差唔多！如果你都想喺夏水祭前揀番件啱手形嘅殺器，呢度會有最終答案！

孩之寶的NERF海綿槍，由七十年代威風至今，不論是小朋友互射取樂，還是槍戰訓練及比賽，仍老是常出現。而同系列的Super Soaker——動感水槍，於香港則人氣稍遜，不過來頭一樣不小，一九八二年，工程師Lonnie Johnson以PVC管、亞加力膠及汽水瓶設計出雛型，到一九八九年推出初版，一九九一年更創下年銷二百萬支的紀錄，風頭一時無兩。自此，Super Soaker就成了加壓水槍的代名詞，及後抄款重製的水槍不斷湧現。

水槍大作戰，感覺比BB彈更實在，因為中槍必濕、冇得走數。

水柱加粗但分散

聽到加壓一詞，大家可能會關心安全問題。二○一五的新款Super Soaker大多使用手動式設計，相對去年可射穿十張A4紙的「過火」電動槍，根本是兩回事。新槍射程約在三十至三十八呎，而且水柱一離槍口，就有輕微散開的效果。肥通以貼面射擊的方式測試，感覺與按摩式花灑頭的水壓相若，不會太痛。然而，由於水柱加粗，如果直接射中口鼻，會有半秒唞不過氣來的情況。難受嗎？老實說，當我本能地以手抹臉時，聽到其他Gadget Guy的譏笑聲才最難受！

天氣熱得人也燒焦，中槍反而成為一件樂事。

駁喉直出　無限子彈

這支FloodFire完全體現美軍的戰爭藝術，四十三安士特大水箱彈匣，火控能力非常高。更離譜的是槍身底部備有水喉入水位，可對應一般洗車喉的快拆式設計，一經結合便如一支無限子彈的M60。水槍射程為三十八呎，不論手動或駁水喉也一樣，原因是槍頭前方設有減壓活門，當水壓過大時會自動漏水，以免火力過猛，對人體做成不必要的傷害。
最理想的作戰計劃就是：首先你要有後花園及洗車喉，然後引誘獵物上門玩水槍……條件要求非常高，而且水喉長度亦有限制，如能解決以上問題，它簡直是水槍史上的最強殺器。

FloodFire無限量水槍　$249.9

火力：
★★★★★

實用：
★★★☆☆

最大容量：
43安士、可直駁水喉

最遠射程：
38呎

底部有入水口，可以直駁洗車水喉。

水壓過大便會自動漏水，防止火力過猛，夠晒安全。

邪惡之最　入冰水槍

這是史上最邪惡的水槍，特大的入水位，方便加入冰塊！可能你會問「有幾凍啫」，答案是一眾Gadget Guy在三十三度高溫下中槍也無不大叫，感覺有如中了異形硫酸般痛苦。目睹中槍後的慘況，你會十分樂意走入便利店或快餐店，買杯汽水來取冰，入口那麼大，倒入檸茶或可樂亦無不可。射程一樣有三十八呎，槍價亦唔高，可惜彈匣只有廿三安士。