MSCI指數公司將在6月9日揭盅是否納入A股，無論入與唔入，都將成為本周影響中港兩地股市最大件事。本來外媒已多番報道，大部份國際基金反對A股入MSCI，之前亞投行可拉到多數西方國家入股，顯示阿爺實力已今非昔比。而家阿爺喺背後發功，唔到最後一刻都未知結果。更何況而家內地市值同經濟規模已係全球第2，冇理由仲被人長期排斥。
市場有消息話，如果A股今次真係入咗MSCI指數，全球國際基金都會好大鑊。點解？屆時有幾千億美金資金將被迫買A股，但A股行情全球獨步，國際投資市場根本冇人識睇。
內地基金、券商今年大賺，而家A股分析師人工絕對高過外資行。到時國際基金請唔到人，又要在滬綜指5000點以上焗買，等於要去做水魚，難怪聽到A股就怕怕!
黃尹華