荷李活男星狄維莊遜（Dwayne Johnson）嘅新片《加州大地震》（San Andreas），自開畫後喺美國當地大收旺場，上月底上映累積有6.2億港元，剛過去嘅周末都穩佔票房榜季軍，而冠軍就係恐怖片《兒凶3》（Insidious:Chapter 3），收約8,112萬港元，險勝剛於當地上映嘅搞笑電影《凸務MADAM》（SPY）。
電影唔止係香港票房冠軍，連內地都同樣勁收，截至噚日，喺內地上映6天已累積2.42億人民幣，各地觀眾大讚飾演狄維莊遜囡囡嘅愛麗珊德拉達迪莉奧（Alexandra Daddario）睇得又演得。早前狄維莊遜就偕同片中老婆卡拉古芝羅（Carla Gugino）去北京出宣傳新片，佢談到今次角色都係婚姻破裂，一向係硬漢嘅狄維即變得柔情似水話自己都經歷過離婚，加上財務上又曾出現危機，令佢演起呢次角色時感同身受。
撰文：房早鳴