李逸朗（Don）和𡃁模曾淑雅（Jumbo）於上周四在大埔車震，兩人脷叠脷連環激嘴，Jumbo更趴在Don的大髀上幫他口交，現場還有大批工作人員圍觀，原來他們是為葉念琛新戲《碟仙碟仙》拍攝一場情慾戲，火辣街頭。
當晚約8時許，着牛仔熱褲的Jumbo騷42吋長腿，劇情講她跟Don在車廂內談情說愛，情到濃時Jumbo趴低身為他口交，當時分心講電話的Don表情肉緊，又顫抖又皺眉交足戲，完事後Jumbo坐起身抹嘴，之後Don開了張支票給她，Jumbo更興奮到攬住Don咀嘴，由於要多角度拍攝，兩人在車廂內咀足七、八次。
搣大髀搞效果
身為編劇和監製的葉念琛好緊張，全程站在車旁親自指導。扮演open港女的Jumbo說：「冇尷尬，之前有同Don溝通過，我諗住營造效果幫吓佢，咁啱有啲位咪搣吓。」問搣哪裏？她說：「都係大髀啫，大家都係為部戲着想。」Don亦表示不會尷尬：「不過佢搣到我大髀好痛，佢為咗畀我有感覺，大力搣我大髀，真係痛。」他還大讚Jumbo好性感，問是否有反應？Don笑說：「痛嘅反應，好鬼痛。」
此外，之前Don本有機會跟特首女梁齊昕拍新戲《男極探射燈》，惟有傳因特首梁振英反對女兒接拍，令電影要易女主角而延期開拍，終於今晚6月8日9時舉行重新起動記者會，電影公司更以「我要『真點燈』，689『拍住先』」字句出通告，揶揄特首還以顏色。
採訪：張俊銘
攝影：陳慧安
