【水着樂園】曾參演電影《鴨王》的唐紫睿（Hazel）最鍾意陽光與海灘，屋企私藏逾20套泳衣，每次出外游水曬太陽都可以盡情展露美好身段。問有甚麼有效的Keep fit方法，她笑說：「我最近試緊果汁斷食法，急救好work，好似今日要影相，我就前3日開始唔食嘢，淨係飲果汁，瘦得好快。」
《鴨王》在內地好受歡迎，連帶Hazel亦受惠，接了多場登台騷，她說：「公司幫我一次過接咗40場商演，試過一星期去足7日返內地登台，馬來西亞都有。」是否豬籠入水賺好多？她笑說：「OK啦，但我要求公司要畀啲時間我買嘢，因為登台要用好多衫，遲啲都會去台灣一星期充充電。」
採訪﹕嵐山