【人人問】企劃不但找蘋民問肥佬黎，還給機會《蘋果》員工「與老闆對話」，有人「挑機」問肥佬黎會唔會賣《蘋果》，又有人直接要求加人工，亦有人想約老闆食飯、做Gym，更說想野生捕獲他，究竟能否「人人期望可達到」呢？
首先，原來同事都對「肥佬黎」這個別名很有興趣，問他後生有否瘦過及有沒有別的外號。肥佬黎直言現在太肥，目標想減25磅，但自稱後生時好瘦，還很帥，只有32吋腰，直至開辦《壹週刊》才開始變肥，更大爆他年輕時，人人叫他「飛仔黎」！
同事開始要求多多，想叫老闆優化配音房，肥佬黎即刻指自己現已辭職沒職務在身，與他無關，叫同事的上司負責；又有員工埋怨人工低，肥佬黎竟然爽快地說人工可以加，但補充一句：「若加得多，我就炒你上司！」另外，有同事抱怨上不到車（買不到樓），肥佬黎即回應：「你去問你老竇，我又唔係你老竇！」
至於最激動就是聽到「賣《蘋果》」三個字，肥佬黎即時火都嚟埋：「梗係唔會啦，你想買呀？發夢啦你！」又指《蘋果》為社會做了不少事，雖然被人罵他「衰人」，但始終賺到的比失去多。他指網上傳媒可以做的比報紙傳媒大很多倍，雖然轉變過程困難，但應該更「好做」，更預言動畫是傳媒世界的將來。
