克勤與祖兒合體，9月殺上紅館，大家都想知會否有透視裝和現袋褲？克勤說：「現袋褲暫時未有。」祖兒即問：「如果畀你着許志安透視裝點睇？」他笑說：「上面嗰截定下面嗰截先？我踢波有着，不過着裏面，呢啲嘢睇吓有冇膽量，你有膽睇我都冇膽着。」
不出現場錄音碟
克勤表示上次為開騷操弗3個多月，問祖兒：「你嗰次條乜線呀？」他說：「總之唔係事業線，馬甲線搞咗兩個幾月。」克勤謂「左麟右李」已扮過大隻佬，不同組合應該有不同火花。至於會否做巡唱？他說：「埠相信會走，碟相信唔會出，最近問高層要解決問題太多，呢刻唔會出現場錄音專輯，希望大家幫我哋爭取。」祖兒說：「唱片公司之間有少少問題要解決，充斥住問題，但我哋唔會放棄。」