像潘頓這類冠軍級騎師，一旦停賽便有不少靚馬益人，成績及收入一併受損。因此他每次停賽復出，都會份外落力搏殺求補償損失，這位澳洲猛將季內四次停賽復出均起孖共取八win。經過早前停賽三個賽日後，潘頓今期(7日)恢復披甲，配合手上一批餐士馬，勢可延續佳績。
第三場「歡樂一生」因雷神停賽而換上潘頓，後者今季於莫雷拉停賽期間，接手兩匹雷神座騎均入Q，今次獲得「歡樂一生」帥權，當然唔會客氣，有運抽一檔，乃黃金機會。
第七場「文藝復興」一連三賽兩冠一亞，方廐新晉長途好手大熟大勇，皇太后盃入Q後降呢爭二班，形勢有利，在潘頓胯下未輸過，故劍重逢加上強敵「聰明才智」退出，可謂有十足勝算。
尾場「活力小駒」之前兩戰分別初跑1200及1400米全勝，4月底食慾不振退出，養精蓄銳復出體重見穩定，可見健康已無礙，有新鮮感回師1200米恰到好處，潘頓駕輕就熟，優質馬有力再次放到。