壹傳媒創辦人黎智英，外號「肥佬黎」，二十年前創辦了《蘋果日報》，在報業界叱吒風雲！趁《蘋果》創刊二十周年，【人人問】企劃捕獲肥佬黎，要他坐定定回應各位蘋民的質詢！
蘋民最八卦的是肥佬黎的生活私事，例如「肥佬黎為何叫肥佬黎」、「喜歡食牛、雞哪部份」、「想養甚麼動物」、「會否轉髮型」等，雖然不關蘋民事，但肥佬黎全部都答！他說是因為自己肥，所以叫自己「肥佬黎」，最喜歡吃牛腩、雞翼，現在有養雀養狗，又笑言有想過轉髮型，但怕麻煩。
有蘋民又好奇問，如果梁齊昕是肥佬黎的女兒，他會怎樣教她呢？肥佬黎即刻嗌「大鑊」！他說很同情梁振英，因為他自己都不懂得教，又叫梁保重，如果他做梁個位，會日日都「瞓唔着」！
而肥佬黎為民主走在最前線，蘋民問他「驚唔驚會坐監？」，肥佬黎就淡淡定地說：「預咗啦，未嚟啫，遲早啦！」不過都坦言有點後悔創辦了《蘋果日報》，使他失去自由，有時又會遇上麻煩事，例如之前被人擲內臟後，他沖了三、四次涼仍覺得臭！
