世青盃E組周日上演最後一輪，由巴西U20在新西蘭基督城鬥北韓U20。巴西兩戰兩勝已出線，不過前鋒祖迪雲、中場安達斯彭利拿等攻擊好手續勇，勢演入球騷，「大細」中位數3.5球，照取「大」。
巴西兩戰全勝提早出線，今仗保不敗就肯定獲首名。「森巴兵團」在上仗變陣，首戰表現平平的曼聯中場安達斯彭利拿退居後備，不過他下半場入替後，即交出入球與助攻各一，助球隊以2:1反勝匈牙利。
今仗由於「10號仔」加比爾捷西斯累積兩黃，與中堅祖拿夫馬隆尼齊停賽，彭利拿料重獲正選。另外，隨南美洲大敵阿根廷出局，他們爭標形勢更樂觀，加上前鋒祖迪雲已累積兩球，今仗面對防守力弱的北韓，將望「刷數據」爭取入球。
北韓兩戰全輸兼失九球，只有大數巴西才可奇蹟取次名或最佳第三名出線。
當然，以該隊實力，這只屬天方夜譚，不過他們前兩場均製造出不少埋門機會，加上幾近出局而沒有心理包袱，鬥攻下入球「大」可熱捧。
博匈牙利保不敗出線
同日另一場分組賽，由匈牙利U20對尼日利亞U20。匈牙利得失球較佳，今仗不敗就至少保次名出線，雖然左閘達馬斯上仗兩黃一紅被逐，需要停賽，但今屆發揮一般的尼日利亞，也仍有中場馬菲因傷缺陣，一於博匈軍守和出線，取[+1]「主勝」。
文：牽牛
識睇，一定係睇足英台【英波Live】：
http://soccer.appledaily.com
http://bit.ly/engballlive