【本報訊】基本法委員會主任李飛早前稱人大8.31決定將長期適用，被指變相承認袋住先即袋一世，基本法委員會副主任梁愛詩及委員譚惠珠，昨先後為李飛言論降溫，認為日後8.31決定仍可按香港實際情況決定是否改變，李的意思只是「實踐咗之後可以謀求優化」。
中央一定不接受公提
梁愛詩昨出席一個活動後稱，若政改被否決，2017年前相信不會有新方案，但亦表明「人大常委會唔會監你一定要（目前方案）」，至於8.31決定是否完全不能改，梁指「任何嘅改變都係一定要睇香港嘅實際情況，亦都係要符合《基本法》，但表明中央一定不接受公民提名、政黨提名，「你就提100次（中央）都唔會接受」。
譚惠珠則表示，李飛的言論並非袋一世，「佢嘅意思即係話都會存在一段長嘅時期，但係長嘅時期嘅意思就係話，未必係屆屆改」，強調落實今次政改後「佢（李飛）亦係講清楚，話可以按五部曲優化」。譚續指，落實今次政改後，可視乎首次特首普選對行政立法關係、社會、經濟發展有何影響，「跟住就謀求優化，咁樣先至係最實在，對香港最大嘅利益」。
■記者呂浩然