噚晚六四燭光集會喺本土派圍攻下，仍然有13.5萬人參加，燭光同往年一樣佈滿維園足球場，咁之前喺fb吹到可以K.O.支聯會嘅本土派梗係冇癮，惟有喺網上圍爐取暖，但對佢哋打擊更大嘅係，佢哋最崇拜嘅教主黃毓民，竟然左膠上身，玩掟雞蛋抗政改三人組，搞到佢哋係咁畀左膠恥笑。
本土派鬧市民港豬
話說本土派見到維園六四燭光集會仲有咁多人去，除咗大鬧市民係港豬、離地中產無得救之外，又開始在網上拎港大集會都有2,000人去，「證明」本土成功，但亦有本土網民話，對比六四燭光集會人數，本土只係少數入面嘅少數，仲要有部份本土人士視主流民意為敵，咁搞法，本土派遲早玩完。
而對佢哋最受打擊嘅係，教主黃毓民掟雞蛋抗政改三人組紙板，俾班左膠放上fb恥笑，有人話「掟雞蛋抗共，中共689一定好Ｘ驚」、「話我哋快樂抗爭膠，咁教主荔園攤位遊戲抗爭咪仲膠！」「雞蛋用嚟食，唔係掟！浪費食物」，你話本土派情何以堪呢？