【本報訊】同性戀議題永恒爭議又惹火，不過今次慢必被辱罵「冇J」，卻罕有連保守的宗教人士，以致平日因政見及拉布「面左左」的建制派議員，也為他抱不平。
網友助相認
他說事後不少人致電或WhatsApp安慰他，最開心是事後透過熱心網友報料，在面書與車卡內見義勇為的女教師「相認」，向她親自致謝。
仗義老師婉拒記者訪問，但就同意刊登面書上感受，節錄如下：「我做咗件應該係啱嘅事。話說係地鐵有3個八婆八公指住兩個男人勁鬧……說話真係好難聽，大聲到我戴住earphone都聽到……我話晒都係老師，但都忍唔住！
我行過去講：呢度係公眾地方，有小朋友，有老人家，可唔可以注意下啲用詞呢？跟住佢鬧我話我係同黨，閒人，話佢係議員就應該俾人鬧，因為自己有交稅。我很少在街上加把嘴的經驗，所以當時無言了。其實我想講我都有交稅，我覺得呢個議員無問題，再者交稅就有權利不尊重他人嗎？他們那些說話嘅難受程度是我呢世人也沒聽過的，有些用詞還是我諗完也不明白的。有必要嗎？其實鍾意邊個，關你咩事先？議員，幫不了甚麼，請加油！」
■記者呂麗嬋