通過政改，恆指飆上三萬點。四叔，既然玩篤數，該向姓周的學習一下。五百萬合資格選民有一人一票揀特首，一邊投票一邊入市，試問點止三萬，恆指肯定衝上五萬點。
到時，你捐十億，唔夠強國一個品牌拉隊去歐洲包食宿狂掃貨的鋒頭。四叔，未到2017，你好似已經唔係幾得。
否決政改，全香港市民都輸。誠哥，你講真的嗎？全香港人，包括講過N屆都唔選特首的梁振英。通過政改，得梁振英一個人贏。否決政改，全城一齊輸，梁振英冇得獨贏。誠哥話中有話，暗示叫市民成全梁振英，等他「袋住仙！輸一世！」超人密訊，收到！
香港是三歲小童，阿爺唔放心三歲細蚊自己選特首，所以香港人要有智慧，不要令阿爺生氣。王教授，香港已經被定性為十三歲智障女孩，阿爺不但生氣，還起痰！竟然叫「慈母」放下警棍，替十三歲的小女孩拍裸照驗傷！王教授，下次坐港鐵，小心遭滿口性器官的八婆反寸閣下：抽三歲細路水，你們這些垃圾學者，係咪孌童癖！甘願趴低……！（網上有足本對白，講完。）