獲唔少港女大讚係男神嘅港視藝員王宗堯，噚日同已出櫃嘅人民力量立法會議員陳志全慢必合照，王宗堯仲要搭住陳志全嘅膊頭，兩個都笑得好開心。陳志全將兩人嘅合照放上fb「放閃」，tag埋王宗堯，上載一張唔夠，慢必喺幾個小時後，上載第2張合照，每張各呃like逾500個，睇嚟大家都好替陳志全可以同男神合照，感到興奮。
王宗堯早已被形容為男神，兩人合照後，唔少人都話其實慢必都係男神一名，仲話二人有啲似樣，呢方面各位可自行判斷。王宗堯自從喺政治上表態親泛民後，人氣暴升，連立場親建制嘅傳媒鳳凰衛視，其香港台《港人自講》也請咗王宗堯上去做嘉賓。