做錯就要認 要認清事實
羅太說六四是一個心結時，眼淚就流下。4歲半的女兒也哭起來，「（六四）係一件好唔啱嘅事，自己嘅軍隊打死自己嘅人。𠵱家個世代，最恐怖係當日有份上街嘅人，唔記得晒呢件事，所有人都被蒙蔽」。26年來，她每年都到維園點起燭光，不叫口號、不唱歌，單純悼念。有人不支持建設民主中國、不同意平反六四，她認為中共做錯事就要認，也要認清事實，今天仍能在香港悼念六四，「我哋仍然能夠上facebook，仲可以到維園，唔好第二日冇咗先話要爭取自由」。
希望有一年 唔使坐喺度
吳先生今年跟兒子再來到維園的六四集會，是這26年來第二次。他說去年兒子提出時欣然答應，除了因有個伴，香港人的堅持也令他感動，「見到啲人咁有熱誠，20幾年都咁堅持，自己都要出嚟撐一撐」。他說不依從任何一個政黨，出席集會只因一個信念，「支持平反六四，悼念死難者」。
兒子Kenneth表示，六四事件始終是歷史事實，就像二戰一樣，政府必須正視，「希望坐到有一年，唔使再坐喺度，六四得到平反，希望有生之年可以見證到」。
團結展示最大力量
不少大學生另起爐灶，黃同學仍堅持到維園悼念六四死難者，「集合最大力量，至少可以畀到政府睇」。雖然六四屠城時仍未出世，但她不會覺得抽離，因為歷史永遠不可改變，真相更要弄清楚，「推動民主係我哋不斷去做，唔會因為時代轉變而唔去做」。她說近年示威不斷受阻撓，香港慢慢被中國同化，故更要珍惜每年的6月4日，惟本土派的衝擊令她很傷心，「呢啲係大陸政府想睇到嘅嘢，就係想睇到香港內訌，應該齊心啲，畀中國政府見到，如果香港企硬，佢都冇符」。
誓不做歷史旁觀者
何教師：「我唔想做歷史嘅旁觀者。」1989年他念小六，跟父母上街遊行，身旁一名同年紀的小朋友接受傳媒訪問時道出這句話，他一直銘記於心。他說當年曾經譴責六四屠城的香港人或機構，包括李嘉誠、梁振英，還有《文匯報》等，今天都變節了，「唔接受事實，係欺騙自己」，甚至有些人去歪曲歷史，「覺得鎮壓係應該，價值觀嘅扭曲，令我心入面好難過」。他幾乎每年都出席六四集會，悼念死難者，拒絕做旁觀者，「喺大是大非上，我相信人在做，天在看，公義會長存」。
