現年26歲、組合HotCha前成員張惠雅（Regen）入行8年，緋聞不多，最轟動是曾經介入陳法拉和當年任其唱片公司老闆的薛世恆之間，結果被迫放逐到澳洲留學，最近她回流返港，單飛在娛樂圈發展，唱歌事業不濟，轉投電視城，即刻傳出劈腿被前男友家暴的消息。
昨日有報道指Regen因拍劇與張景淳撻着，但當時Regen仍未跟細5歲的男友Esta分手，Esta發現Regen與張景淳的曖昧短訊後，大發雷霆，一怒之下推Regen埋牆，撞傷膝蓋，二人才正式分手。之後Regen跟張景淳火速搭上，拍拖3個月又極速分手。而張景淳本來已經名草有主，他跟選美出身的宋雙佳拍拖多年，曾經陷入分手邊緣，其間跟Regen拍散拖3個月，最近又再重投宋雙佳的懷抱，簡直是一片混亂。
認曾與張景淳拍拖
Regen昨接受本報電話訪問，她表示不想再提起前男友Esta，卻又不肯承認曾經發生家暴，她說：「冇，過咗去，上年拍拖分咗手，冇乜特別嘢發生。男女嗌交好正常，呢段關係自己可以放低。」Regen認為分手原因是溝通出問題，她說：「年紀差一大截，細我4、5年，慢慢唔係好夾分開咗。」報道指四角關係混亂，Regen否認說：「好清楚自己一定冇，拍拖會分開咗先開始新關係，我好欣賞佢（張景淳），我哋由了解開始，朋友之間慢慢了解，再深入了解。同張景淳慢慢發展，大家各自工作，後來發覺唔係嗰回事，冇再發展落去，佢𠵱家同ex一齊，可能呢個係Ｍiss right。」
Regen透露現在單身，不想拍拖，她說：「去到呢個年紀，拍拖要花時間幾攰，又要兼顧工作，呢刻完全唔需要，反而好想遠離呢啲，以前朋友幫我算過30歲先適合拍拖，可能要等到30歲。」
採訪：皓騫
