仲記唔記得國師陳雲當年以「大雨淋邪神，五雷劈祭壇」去鬧六四燭光集會？今年支記中人一直留意，國師今年又出乜嘢神通仙法，「對付」六四燭光集會同參加集會嘅市民！不過國師今年似乎收咗小小手，只喺fb貼咗句「五雷劈邪壇」，同埋寫大篇好鬼長嘅文，係咁數臭支聯會秘書李卓人同副主席蔡耀昌幫新移民，話佢哋玩「政治轉賬大財技」，叫人咪去維園悼六四。
咁國師又係咪反對悼念六四？非也！佢係咁貼熱血嘅六四街站相，仲話「即使是一個人，在不顯眼的地方，也可以悼念六四」。八方即刻明晒，要悼念六四，只可去熱血嗰度，去支記就等「五雷劈邪壇」！