每年六四都會有人設計一個主題Icon，傳遍全城，今年最受網民歡迎嘅一款設計，係將「自由」與「64」二字結合而成（圖），其中「64」以帶點鏽紋兼採用鮮紅色，《蘋果》噚日嘅頭版都套用咗佢嘅設計。據《明報》報道，設計者係就讀國立台中科技大學多媒體科系的黃詠翔。
黃詠翔喺facebook談及設計理念時話：「用有點鏽紋的鮮紅文字，也是因為我認為雖然時間久了，會像金屬一樣，越發生鏽，被人淡忘，但，當年流下的血，還在裏面，是無法抹滅的，所以想用此呼籲大家不要忘記，不要放棄。」佢話，對台灣人嚟講，六四雖然是發生在中國嘅近代事件，但大家所爭取的都係「自由」，亦都因為今次設計而認真再次思考六四如此重大嘅歷史事件。