禮拜日沙田七草三泥賽事，草地用A加3欄，呢條跑道一向對內檔馬有利，以最近5月3日為例，當日九場轉彎路程賽事，一至三檔馬總共勝出5W，外檔馬要像「齊齊健康」及「大家熊」般夠快切入內欄位置才能克服劣勢。
今戰列陣馬中，第三場「歡樂一生」上仗正是於5月3日A加3欄賽事入Q，等番同一移欄再跑，有運抽得一檔有機會贏馬補中。另外，尾場「永旺年年」兩出兩捷都係跑A加3欄，部署在強項再來可保不敗之身。
另外，踏入五月後共舉行12場泥地賽，當中11匹頭馬守前四位入直路建功，可見季尾階段泥地大利前置馬，二場「故事」、五場「麟轉乾坤」及八場「大把世界」等擅跑泥地之均速前領馬可以優先留意。