逾期留港9年的12歲內地男童肖友懷，噚日已經自願遣返內地，事件算係告一段落，但因呢件事引發本土同社運人士之爭，就真係有排打。好似社民連噚日出咗份緊急澄清，話網上流傳一張好似撐懷仔嘅單張（圖），話係社民連發嘅，社民連澄清單張絕非佢哋製作，而造謠者冒認本會製作假單張，實屬居心不良，手段下流，社民連強烈譴責假單張製作人，並呼籲市民協助澄清，以正視聽。
有社記中人同八方講，佢哋澄清係因為成單嘢，根本係有人想造假打擊佢哋，再喺網上無限廣傳，等人以假當真，再用嚟搞社民連！咁邊個係黑手？該社記中人一口咬定，必定係本土派喇！