自己嘅糭自己包，鴻星師傅彭志楠最近教費清包瑤柱火腿糭。先將竹葉略為汆水。竹葉有兩面，較滑一面在內，就唔黏糯米。
#番薯糭夠健康
糯米、綠豆比例六比四，依次放入糯米、綠豆、鹹蛋黃、肥豬肉、金華火腿茸、原粒乾瑤柱，再以綠豆及糯米鋪面，最後以竹葉包裹及壓實，用水草紮住。楠哥教路用兩塊竹葉「打孖上」包裹，避免蒸煮過程中「穿窿」。
材料唔可以馬虎，楠哥用攪肉機將金華火腿打成火腿茸，或者切成小粒都可以。鹹蛋黃要實淨、彈手，以生油略煮。肥豬肉則以五香粉、玫瑰露及糖醃製，嫌太肥可改用五花腩。呢款糭約重200克，一般蒸4個多小時先煮熟。
如果要健康糭，可以試吓包番薯糭（圖），唔用綠豆，改用糙米和紫米，同糯米撈勻。黃心番薯一半切粒，另一半則蒸成番薯茸。包糭時放入米、番薯茸。包裹時唔好壓得太實，畀糯米、糙米吸收足夠水份。鴻星都有開班，詳情可瀏覽 http://www.easy123.com.hk 。
＃要生計，也要生活 ＃毋忘初衷
費清