民主黨嘅新一代卧虎藏龍，繼早前南區區議員區諾軒開班授徒教街坊日文，旋即爆滿後，原來民主黨嘅南區區議員柴文瀚（圖）識韓文。聽阿柴講，佢係2000年開始學韓文，基本交談冇問題，佢算係首批跟韓流嘅港人：「我1996年左右開始睇韓片同韓劇，聽韓國音樂。」
阿柴話，其實識中文，學韓文係好有着數，因為超過一半詞語係漢字拼音，只係文法最難。
近排韓國爆出新沙士，阿柴話依佢睇韓國嘅傳媒報道，韓國政府極力隱瞞病情，同2003年港府隱瞞沙士病情時一樣。
阿柴又話，政府應盡快發出旅遊警示，標示爆發新沙士個案地區最新情況，令港人掌握資訊。