每屆立法會，總會有議員雄心壯志話要推私人草案，將自己倡議嘅草案硬闖立法會，但係行政主導下，私人草案多數都敗北而回。近日經民聯立法會議員梁美芬亦推動佢嘅私人條例草案，賦予消防處酌情權以安全和緊急為由，協助舊樓提升消防系統，事後向大廈業主收取有關費用。
不過私人草案要通過，可謂難過登天，首先議員要自己一手一腳寫中英文法例，繼而取得律政司嘅法律草擬專員證明書、徵求立法會主席意見，再要特首同意，再交由立法會表決，梁美芬呢個支援舊樓提升消防設備嘅私人草案，希望保障住喺舊樓居民嘅人身安全，用意雖好，但現在係停留喺等待律政司回覆草案字眼嘅階段，十劃只有一撇。