香港富商紛紛表態支持「袋住先」，昨日長和主席李嘉誠表示政改若不通過，所有人都是大輸家；較早前九倉前主席吳光正及恒地主席李兆基亦先後發表撐政改的言論。《壹錘定音》主持李慧玲慨嘆，政改表決前夕富商紛紛出馬的情景，教人想起《大時代》結尾一幕，三大華商出手助方展博托市：「戲入面嘅富商形象正面，但今日香港人對呢啲超級富豪仲有冇呢份信任呢？」
昨日李嘉誠再度公開撐政改，重申若政改不獲通過，全港所有人都是輸家，是今年的第四次。慧玲笑稱：「寫稿個個懶惰咗少少，都係講同一句！」另外，「四叔」李兆基先後兩次發表撐政改言論，都是將「袋住先」跟股市掛勾，稱政改通過恒生指數可升上三萬點。吳光正的言論則較多樣化，早前在記招批評泛民迫市民將選特首的投票權「嘔番出嚟」；近日又發公開信，稱提委會是「指鹿為鹿」，批評泛民搬龍門。
對富商近日頻頻發言撐政改，慧玲笑言：「我以為自己搞錯，未到半夜，點解咁快重播《大時代》嘅? 」《大時代》一劇尾段，主角方展博找三大華商入市支撐股市，跟丁蟹決一死戰。當時外圍經濟非常差，方展搏原本輸了九成，但三大富商為了還人情債，就幫方展博唱好股市，最後終造成股市大升的「大奇蹟日」。「喺戲裏面，三個華商好好彩，想個股市升就升；但番嚟現實世界，誠哥、四叔同吳光正，又會唔會想袋就袋到呢？」
慧玲指出，今日的香港跟《大時代》很不同；該劇在1992年播映，二十多年來香港變化很大，其中變化最大的一點就是富豪的形象。《大時代》劇中的富豪形象正面，既不願給黑錢，又有情有義，即使方展博與三大華商素未謀面，都敢拿昔日富豪欠他父親人情的憑證去找他們幫忙，證明當時港人對富商普遍是愛戴和信任。「今日，香港人對呢啲超級富豪仲有冇呢份信任呢？佢哋話袋住先好，香港人信唔信呢？係對佢哋自己好，抑或對香港整體社會好？」
她強調，由這些富商出來撐「袋住先」，最沒說服力的一點是他們是既得利益者。據現時政府的方案，市民投票之前，特首參選人要先由小圈子提名委員會篩選。「呢個小圈子提委會，即係依家選特首嘅選舉委員會。香港近年貧富懸殊嚴重，社會問題叢生，選委會可以話係萬惡之源，因為選委會由工商界主導，嚴重傾斜工商界利益。」她指出，對富豪而言，延續選委會既得利益當然要「袋住先」，但香港人就真的要想清楚。