【本報訊】荃灣法院署任主任裁判官鄭紀航昨處理兩宗「飛機老鼠」案時大動肝火，認為案情嚴重兼具獨特性，連番質疑控方未將案轉交更高級法院處理。他不單向主控稱「希望你唔會有日喺飛機唔見嘢！」兼怒言「你用吓自己個腦啦！」最後無奈「輕判」被告。
「點解用呢條charge？」
兩名內地被告即散工孫學剛（44歲）及前解放軍黃銳（38歲）各承認一項飛機上作擾亂秩序行為罪。
鄭官不斷問女主控「點解要用呢條charge（控罪）﹖」但未待回應便連珠炮發：「我已經唔係第一次講，應要去更高法院處理！」「一般人唔會將貴重物品寄倉，故會放於同機行李櫃，但去廁所時冇人看管，就會俾人偷，若然事主非港人，就會更徬徨！呢個就係案件最嚴重之處！」
鄭官明言「若案件轉介區院審理，必定以（判囚）15個月或以上作量刑起點，無奈律政司深切考慮後依然保留裁判法院審，我惟有以6個月作起點，認罪減刑判4個月！」
兩被告先後於本年3至4月從阿布扎比及新加坡來港時，在機上行李櫃內翻開他人行李，孫警誡下稱燈光暗淡而誤取行李。
案件編號：TWCC791,973/15
■記者陳美莉