林峰講政改？冇錯，新民黨主席葉劉淑儀竟然邀得林峰喺政改表決前不足一個月，就政改發表意見，唔知能唔能夠拉攏師奶支持。不過，此「林峰」不同彼「林𥧌」，以葉劉嘅份量，只係可以請到「城大林峰」講政改，呢位林峰其實只係城大法學院副院長（圖），冇林𥧌咁靚仔。
其實政改都就表決，唔知點解葉劉仲搞呢個「基本法與政制發展研討會」，唔通仲未夠數向阿爺交差？呢場政制研討會喺周六舉行，除咗林峰，葉劉仲請到公民黨立法會議員湯家驊、清華大學法學院院長王振民，就如何按照《基本法》規定推動政制發展，如果想報名或者見林峰真人，可直接向葉劉查詢。