【不滿立會】
港大外科學系系主任盧寵茂否認自己是「梁粉」，「我唔係任何粉，我唔係一堆粉」。他指「粉絲」是不論支持對象對或錯都盲撐，但梁振英有失誤他不會盲目認同，「當年制度得兩個候選人，唐英年同梁振英，我嘅分析係邊個令香港好啲」。他指即使有人認為過去3年香港沒變好，責任並非只在梁振英，泛民亦難辭其咎。
盧說起泛民時更提高聲線，「你望吓個立法會做過乜，我可以代表大部份市民話，立法會係一無是處，完全係無建設性；瑪麗醫院重建差啲被拖倒，如果真係，我覺得市民唔應該放過佢哋」。外界猜測盧高調撐政改原因，他說：「啲人點解將通過政改覺得係好邪惡嘅事？同政府協商去達致共識，令香港穩定啲，唔需要任何賄賂或揸痛腳。我自己睇到已經唔係純政治，已影響香港整個發展。」他站出來只想香港好，原地踏步只會死路一條。
■記者陳沛冰