內地A股市場經歷了上周「股災級」跌市後，在國家主席習近平「萬點祝福」力挺下，加上「定向放水」，周一及二連升兩日，昨收報4910點，今再挑戰5000點。A股之後升定跌？一個早在5月初已跟密西比說、A股必上5000點的投行高層維持同一看法。
他說：「又是那一句，外資唔信會升，A股就升畀你睇，大佬呀，𠵱家內地政策行先，乜嘢都放兩邊，點會唔升？」更認為周末內地「消息人士」澄清，中投副總經理兼匯金總經理解植春閃辭與A股小股災無關，是此地無銀三百兩式內地政壇「逆向」舉動。
投行高層說︰「老闆日日唱好股市，手下嘅居然帶頭沽貨？唔係有病呀嘛！話之你（匯金）已講明要減持，都唔係喺呢個時候出貨啦，等企穩5000點先才做都得㗎，咁唔識做，俾人換走好正常。」之後又會怎樣？他說：「當然繼續托住攞錢啦。
A股太高轉炒港股？A股咁好玩，點解唔玩？」
密西比