合久必分，分久必合。
搖滾班霸Oasis兄弟不和多年，最大原因係Noel完全頂唔順Liam嘅無定向脾氣，嚴重影響樂隊發展和表現。自2009年開始各散東西後，兄弟都無情講，不斷互數對方不是。不過世事無絕對，據小報消息報道，兩兄弟近日破天荒來過君子協議，計劃重組Oasis。不過，前經理人Alan McGee就話難以想像他們復合囉，仲話Liam同Noel互不往來的日子，大家看上去都好快樂，所以完全睇唔到有乜理由要重组，佢都有補充話唔排除佢哋二十年後會重聚，但佢老人家就一定唔會牽涉任何關於佢哋嘅重組活動。血濃於水，真係唔明兩兄弟點解咁大仇口。
資料來源：NME
相片來源：MOJO
記者：胡靜雯