名古屋鯨魚雖已取得出線資格，但考慮到迎戰神戶勝利船表現好，加上對手狀態差，故周三於主場與勝利船進行日聯盃B組最後一輪分組賽，仍值秤先，捧主W。（球賽編號：星期三11；有線61及201台今日6:00pm直播）
鯨魚現於B組以五戰得13分排榜首，比同場數的勝利船、山形山神及川崎前鋒多五分，肯定以首名入八強，故周三迎勝利船屬例行公事。
前鋒夠贏維加泰
但要留意，由於在主場比賽，料鯨魚不會出弱陣，楢崎正剛、田中鬥莉王、小屋松知哉及路華高域等或會披甲；而且，他們近年迎勝利船成績好，對上五戰贏晒，故仍值得秤先。勝利船贏波就有望出線，戰意毋庸置疑，但他們近況麻麻，過去六場輸四場，又缺少了馬昆奴斯、相馬崇人及三原雅俊等，故難望從名古屋贏波而回，信鯨魚開主W。
同組另一場比賽前鋒迎仙台維加泰，主隊贏波就有望出線，定必傾力爭勝；人腳方面，射手大久保嘉人雖或休戰，不過杉本健勇甚勇，近五場轟入五球，故仍力足把已出局兼近五次訪川崎輸四次的維加泰擊退，捧主W及[-1]「主勝」。
文：青蛙仔
識睇，一定係睇足英台【英波Live】：
http://soccer.appledaily.com
http://bit.ly/engballlive