上月因股價急瀉而停牌的漢能（566）再起風雲，有外媒話該股出事前，曾向員工售股，證監會又表示正在調查，股價在場外交易再插水，即使能復牌，股價亦凶多吉少。問題在於，漢能能否復牌？
漢能最大爭議之處，在於與母公司賬目不清，要通過證監會調查，無可避免要交母公司賬目。如果母公司真係有嘢唔見得光，不排除會拒絕交數，最終令復牌無期。之前中國高精密（591）以「國家機密」為由，拒絕披露賬目，至今已近3年未能復牌。
內地股民鐘意炒殼股，因有跌停板機制，股份亦極少長期停牌，要經歷漫長ST才最終除牌，總有逃生門。但港股不但可無限插水，更有機會即時死亡，令投資者血本無歸。滬港通之後，內地股民狂炒「港A股」，漢能一役中晒招，真係血的教訓。
黃尹華