南韓爆發中東呼吸系統綜合症，疫情有擴散之勢，鄧麗欣和太陽娛樂高層黃柏高（Paco）卻冇有怕，照去韓國。
身在韓國的鄧麗欣昨在電話說：「今次嚟韓國主要拍旅遊節目，嚟之前都知病情好似幾嚴重，所以做咗幾足嘅預防，例如戴口罩、消毒噴霧、洗手液、濕紙巾，洗手洗得好密，見到韓國人唔係太緊張，都冇戴口罩，今次會留四、五日。」
Paco唔驚
Paco昨日乘搭國泰早機到首爾公幹，與當地電影發行商洽談賣片《殺破狼2》，他表示不擔心新沙士：「驚就唔會去。」可有自備預防措施？他說：「口罩、潔手液全部冇帶。」還笑言預防法是多飲酒。
此外，栢芝奶媽林芷嘉身在首爾，她在電話中說：「我5月尾已經過咗嚟，呢邊冇乜人戴口罩，新聞有講呢件事，但氣氛唔係好緊張。」黃榕上月21日去了首爾玩足七日，當時已爆出新沙士，有指新沙士潛伏期為兩日至十多日，已回港一周的黃榕說：「我返到嚟好健康，冇病徵。」
採訪：皓騫、小米、劉敏
攝影：楊文傑
