世青盃D組踏入次輪賽事，首戰全取三分的烏拉圭U20（圖），周三面對墨西哥，以進攻中場佩利伊路、前鋒巴爾斯等態勇，可望擊敗防線不穩的墨西哥，平手盤取烏軍穩陣。
D組可算是今屆世青盃的「死亡之組」，集合四大洲實力相當的球隊，烏拉圭U20首戰面對歐洲的塞爾維亞U20，雖然形勢較差，但憑中場佩利伊路一箭定江山，以1:0全取三分，如果今仗再勝墨西哥，幾近確保出線權，戰意必盛。
雖然「名門之後」、前新特蘭領隊普耶的兒子迪亞高普耶首戰只列後備，不過烏拉圭仍不乏潛質新星，中場佩利伊路技術全面，控制中場節奏，前鋒選擇不論是巴爾斯，還是維拉利爾前鋒法蘭高阿高斯達，亦予人信心，其餘外流兵如佩魯賈前鋒奇雲文迪斯及魯賓卡山後衞哥杜奴亦具級數，只要保持水準，周三有力再下一城。
防守穩健亦是烏軍本色，年初舉行的南美洲青年錦標賽，烏拉圭雖屈居季軍，但整屆賽事九戰只失五球，面對巴西、哥倫比亞等勁旅也保清白身，上仗也能力抗塞爾維亞強攻，平手盤抵博。
墨軍後防主將停賽難靠
墨西哥在首戰不敵非洲代表馬里0:2，出線形勢甚差；墨西哥以本土聯賽兵為主，包括帕丘卡孖寶，前鋒古列美馬天尼斯及中場盧辛奴等，但後防呈不穩，連同友賽近三仗失七球，中堅比拿爾亦於上仗兩黃一紅，加上馬德里體育會前鋒迪亞高加馬後備入替亦領紅牌，今仗雙雙停賽，特別比拿爾是球隊常規正選，今仗缺陣令後防更加鬆散，就算教練艾馬格仍然對出線抱樂觀態度，但殘陣下，今仗不值支持。
文：牽牛
識睇，一定係睇足英台【英波Live】：
http://soccer.appledaily.com
http://bit.ly/engballlive